Cientos de tractores e llenen el centru d'Uviéu pa que "nun se dexe morrer" el campu

Los profesionales del campu faen sonar esquiles y los pitos en señal de quexa pol abandonu del mediu rural

Cientos de profesionales del campu asturianu con alredor de cuatrocientos tractores enllenaron esti mediudía’l centru d’Uviéu pa reclamar midíes dirixíes a un mediu rural que "nun se pue dexar morrer".

La tractorada, convocada poles organizaciones agraries y ganaderes COAG, ASAJA, UCA, USAGA y URA, avanzó en dos columnes que salieron de diferentes puntos de la ciudá pa xuntase na contornada d’El Paséu los Álamos y que foi sofitada por cientos de persones, ente elles, representantes de partíos como PP, Foro, Ciudadanos y Vox.

Los profesionales del campu ficieron sonar esquiles y los pitos de los vehículos en señal de quexa pol abandonu del mediu rural, la criminalización del sector polos incendios forestales y la falta de control de la fauna silvestre.

Na marcha, los manifestantes llevaron pancartes con mensaxes como "Pintamos menos que Barbón en Madrid", "El campu nun se vende, deféndese", "Llobu fuera del Lespre yá" y "Políticos y burocracia son la nuestra desgracia".